पाली,अर्घाखाँची (अर्घाखाँची डटकम्) । अर्घाखाँचीको पाली गाविस ९ वलेवागमा रहेको सामाजिक युवा कल्वले एक औपचारिक कार्यक्रमका साथ अर्घाखाँची जिल्लाका वरिष्ठ पत्रकारलाई खादा ओढाई सम्मान गरेको छ ।
सम्मानित हुनेमा अर्घाखाँची डटकम् क्राइम व्युरो चिप एवं अनुसन्धान रिपोर्टर डिल्लीराज घिमिरे पत्रकार महासंघ अर्घाखाँचीका सचिव प्रेम नारायण आचार्य, राष्ट्रीय लोक दोहोरी प्रतिष्ठान अर्घाखाँचीका अध्यक्ष तथा अग्रज पत्रकार सहयोगी विसी,रेडियो अर्घाखाँची एफ़एम स्टेशन मेनेजर श्याम घिमिरे कान्तिपुर टिभी जिल्ला संवाददाता रुद्रमणी भुसाल,अर्घाखाँची टाईम्सका प्रधान संपादक नवीन केसी,नयाँएमका स्टेशन मेनेजर हरी भुसाल,पत्रकार गोपाल भट्टराई,घनश्याम पौडेल,विष्णु ठकुरी,वसन्त श्रेष्ठ,देवेन्द्र कुवँर,हुम वहादुर विक,अर्जुन भुसाल रहेका छन ।
सामाजिक युवा कल्वका अध्यक्ष दीपक भुसालको अध्यक्षता,प्रहरी निरक्षक सुरज राज भण्डारीको प्रमुख आथित्यता र विराज मुखियाको संचालनमा सम्पन्न कार्यक्रममा पत्रकारहरु नविन केसी अन्तरराष्ट्रीय अर्घाखाँची सम्पर्क मन्चका महासचिव डिल्लीराज घिमिरे,राष्ट्रीय लोक दोहोरी प्रतिष्ठान अर्घाखाँचीका अध्यक्ष सहयोगी विसी लगायतका अतिथिको मन्तव्य रहेको थियो ।
तस्वीर: डिआरजी सुमन/अर्घाखाँची डटकम्
कार्तिक ६ गते, २०७३ मा प्रकाशित
