जिन्दगी (गज़ल)

-कोमल भट्ट
चन्द्रागिरी न.पा -२१
काठमाडौँ
हाल:- न्युयोर्क, अमेरिका
मन एक्लियो र अतालियो 
छु प्रवासमा र निसासियो
सुखले सहेन छ जिन्दगी 
परितापमै तन होमियो
कति दर्द भो विरहाग्निले 
न त ज्यान गो न त बाँचियो
छरपष्ट छन् सपना यहाँ 
सब चैनबाट लखेटियो
परिकल्पना ह्रदमा डुबे
तब आशको जड ठोकियो
किन दैव आज कृतघ्न छ 
किन झोक्कियो र बटारियो
अब बृद्धता छ शरीरमा 
घर आँगनी पनि टाढियो
गीतिका छन्द 
(५ अक्षरमा विश्राम) 

अन्य समाचारहरु

श्रीमतीकाे सम्झनामा खनालले ल्याए, ‘संसारमा तिमीलाई…’

देवकोटाको ११६औँ जन्मजयन्ती विभिन्न कार्यक्रम गरी मनाइँदै

भारतले थप्यो बंगलादेशकी लेखिका तस्लिमा नसरीनको निर्वासनको समय

बालेनको कविता- हिन्दु राष्ट्र संविधानमा हैन, स्वाभिमानमा चाहिन्छ !

देश बनाउने झुट…(कविता)

देश बनाउने झुट…(कविता)