घनश्याम पौडेल ‘परिश्रमी’
सन्धिखर्क, अर्घाखाँची । अर्घाखाँची टाईम्स साप्ताहिकको आयोजनामा शुभ दिपावली, छठ पर्व तथा नेपाल सम्वदको अवसरमा शुभकामना आदान प्रदान कार्यक्रम सन्धिखर्कमा सम्पन्न भएको छ । टाईम्स साप्ताहिकमा निरन्तर ३ वर्ष सम्म निरन्तर संवाददाताको रुपमा कार्यरत डिल्लीराज घिमिरे विदेश जानुपर्ने भएकोले सोहि कार्यक्रममा सम्मान सहित विदाई गरिएको छ ।
कार्यक्रममा प्रमुख अतिथी सहायक प्रमुख जिल्ला अधिकारी नारायण खत्रीले अर्घाखाँची जिल्लामा रहको साप्ताहिक पत्रिकाले यस्ता कार्यक्रम गर्दा सम्वन्ध बढदै जाने बताउनुभएको थियो ।
नेपाल प्रेस युनियनका केन्द्रीय सल्लाहकार शिव लम्छालले अर्घाखाँची जिल्लामा एउटा दैनिक पत्रिका आवश्यक रहेको भन्दै आवश्यक सहयोग गर्न तयार रहेको बताउनुभयो । नेपाल पत्रकार महासंघ अर्घाखाँचीका अध्यक्ष शोभाखर पन्थीले पत्रकारीता गर्न चुनौती रहेकोले अव लेखेर पत्रकार बन्नुपर्ने वताउनुभयो । कार्यक्रममा सहरी विकास मन्त्रीका प्रेस सल्लाहकार शिव देवकोटा, प्रेस युनियनका केन्द्रीय सचिव खिला कार्की, काठमाडौ प्रेस युनियन अध्यक्ष नकुल अर्याल लगाएतले मन्तव्य राख्नुभएको थियो ।
कार्यक्रम टाईम्स साप्ताहिकका प्रधान सम्पादक नविन केसीको अध्यक्षता, सहसम्पादक घनश्याम पौडेलको स्वागत र भाषा सम्पादक हुम विकको सञ्चालनमा सम्पन्न भएको हो ।
कार्तिक ८ गते, २०७३ मा प्रकाशित
