सुर्य भुसाल, प्रेम खड्का – तस्बिर
सन्धिखर्क, अर्घाखाँची ( अर्घाखाँचीडट्कम) । गुल्मी जिल्लाको हाडहाडेबाट अर्घाखाँचीको सदरमुकाम सन्धिखर्क अाउदै गरेको जिप दुर्घटना हुँदा ६ जना घाइते भएका छन ।
जिप सन्धिखर्क ( जनज्योती उच्च मावी नजिकै) रुपदी भन्ने ठाउँमा दुर्घटना भएको हो ।
गुल्मीबाट हिडेको लु १ ज २२९७ नम्बरको जिप दुर्घटना हुँदा जिपमा १२ जना यात्रु रहेको र अन्य ६ जना सकुसल रहेको प्रहरीले बताएको छ ।
घाइते हुनेमा हसपुर – ४ का वर्ष २६ शान्ता नगरकोटी, वर्ष २२ गोकर्ण बहादुर नगरकोटी, गुल्मी हाडहाडे – ९ का वर्ष ३२ का चक्र बहादुर थापा, वर्ष ४९ का नर बहादुर थापा यस्तै हाडहाडे -६ का वर्ष ३२ कि पर्वता बिक रहेका छन् । एकको नाम खुल्न सकेको छैन ।
घाइतेको जिल्ला अस्पताल सन्धिखर्कमा उपचार भईरहेको प्रहरीले जनाएको छ।
दुर्घटना हुनुको कारण खुल्न नसकेको र अनुसन्धान भईरहेको प्रहरीले जनाएको छ ।
कार्तिक २५ गते, २०७३ मा प्रकाशित
