-कोमल भट्ट
पुरानो नैकाप, काठमाडौँ
(चन्द्रागिरी नगरपालिका,वा.नं.२१)
हाल:- न्युयोर्क, अमेरिका
सहारा छुटेर रोएँ
भरोषा टुटेर रोएँ
उदाए विपत्ति लाखौँ
व्यथाले कुटेर रोएँ
खपेको छु शीत ताप
झरीले चुटेर रोएँ
विधाता रहेछ पापी
सुखानी लुटेर रोएँ
दुखेको छ जिन्दगानी
विचिन्ता जुटेर रोएँ
सुखाशा भए खरानी
दशाले भुटेर रोएँ
वृथामा भएँ प्रवासी
म भाग्गे फुटेर रोएँ
(विश्राम :-३ अक्षरमा)
मंसिर ६ गते, २०७३ मा प्रकाशित
