पाकिस्तानको व्यापारिक सहर कराँचीमा सोमबार बिहान एउटा होटलमा आगलागी हुँदा कम्तीमा ११ जनाको मृत्यु भएको छ ।
पाकिस्तानी संचारमाध्यमका अनुसार आगलागीमा परी अन्य ७० जना घाइते भएका छन् । घाइतेमध्ये ३० जनाको अवस्था गम्भीर रहेको बताइएको छ ।
होटल रिजेन्ट प्लाजाको भान्छाबाट आगलागी सुरु भएको थियो । आगलागी नियन्त्रणमा खटिएका कर्मचारीले आगो नियन्त्रणमा लिइसकेका छन् ।
यद्यपि आगलागी कसरी सुरु भएको हो भन्ने प्रष्ट विवरण आउन सकेको छैन ।
कराँचीका मेयर वासिम अख्तरले आगालागी भएको होटलको निरीक्षण गरेका छन् । (एजेन्सी)
मंसिर २० गते, २०७३ मा प्रकाशित
