केशब खड्का
काठमाडौं । नेपाली काङ्ग्रेस अर्घाखाँची काठमाडौं सम्पर्क समितीको आयोजनामा आज शनिवार काठमाडौं चौभारमा बृहत भेला तथा बनभोज कार्यक्रम सम्पन्न भएको छ ।
अर्घाखाँचीबासीको सम्पन्न उक्त बनभोज कार्यक्रममा रक्षा मन्त्री तथा नेका. केन्द्रिय सदस्य बालकृष्ण खाडको प्रमुख अतिथीको रुपमा उपस्थित रहेको थियो ।
यस्तै अन्य अतिथीहरु साम्सद तथा नेका. केन्द्रिय सदस्य मान बहादुर बिक, नेत्री पुस्पा भुसाल, नेका. नेता डा राम बहादुर बिसी, प्रस्तावित बङलादेश लागि राजदुत डा. चोपलाल भुसाल, नेपाल चिकित्सक संघका केन्द्रिय अध्यक्ष मुक्ति राम श्रेष्ठ लागायतको उपस्थिती रहेको थियो ।
साथै काङ्रेसका विभिन्न तहका नेता कार्यकर्ता लगायत काठमाडौं बसोबास गर्दै आएका अर्घाखाँचीबासीहरुको ठुलो संख्यामा उपस्थिति रहेको थियो ।
उक्त कार्यक्रममा बोल्ने उपस्थित नेताहरुले अब सबै कार्यकर्ताहरुलाई स्थानीय निकायको चुनावमा लाग्न अनुरोध गरेका थिए । कार्यक्रममा सांस्कृतिक प्रस्तुती दिई रमाइलो गरिएको थियो ।
फाल्गुन २१ गते, २०७३ मा प्रकाशित
