अर्घाखाँचीकी युवती भारतको राजस्थानमा देह व्यापारको आरोपमा पक्राउ

दिल्ली, भारत ( अर्घाखाँचीडट्कम) । भारतको राजस्थानमा नेपालको अर्घाखाँची जिल्लामा घर भएकी एक  युवती देह व्यापारको आरोपमा पक्राउ परेकी भारतीय संचारमाध्यम बताएका छन् । प्रहरीले छापा मार्दा उनलाई आपत्तिजनक अवस्थामा फेला पारेको जनाइएको छ ।

युवतीको घर अर्घाखाँची जिल्ला घर भनिए पनि नाम तथा पुरा परिचय ठेगानाको बारेमा केही बताइएको छैन् ।

ती युवतीलाई राजस्थानको सीकरस्थित एउटा होटलमा आपत्तिजनक अवस्थामा पक्राउ गरिएको हो । ती युवतीले एक घण्टाका लागि दुईदेखि तीन हजार रुपैयाँ लिने गरेको प्रहरीको दाबी छ ।  

प्रहरीले सोमबार राति गरेको कारवाहीमा अन्य तीन जना पनि पक्राउ परेका छन् । पक्राउ पर्नेमा होटल मालिक र दलाल रहेको बताइएको छ ।

कल सेन्टर खोलेर ‘हाइ प्रोफाइल’ व्यक्तिका लागि देहव्यापार गर्दै आएको सूचनाका आधारमा प्रहरीले कारवाही गरेको बताइएको छ । कारवाहीका क्रममा प्रहरीकै एक सदस्यलाई नक्कली ग्राहक बनाएर होटलमा पठाइएको थियो ।

ती युवती विवाहित रहेको र उनको पति दिल्लीस्थित एक होटलमा काम गर्दै आएको प्रहरीको दाबी छ । प्रहरीका अनुसार पक्राउ परेकी युवतीले पतिलाई समेत आफ्नो पेशाका बारेमा राम्रो जानकारी रहेको बताएकी छन् ।