अर्घाखाँचीमा निर्वाचनमा खटिने म्यादी प्रहरीका लागि छनौटको प्रक्रिया शुरु (भिडियो – तस्बिर)

सन्धिखर्क, अर्घाखाँची ( अर्घाखाँचीडट्कम)। अर्घाखाँची जिल्लामा स्थानीय तहको निर्वाचनमा खटिने म्यादी प्रहरीका लागि छनौटको प्रक्रिया शुरु भएको छ ।

१८ सय २५ जनाले आवेदन दिएका मध्ये भर्ना गर्नका लागि पुर्याइने सम्पूर्ण पक्रिया पुरा गरेर चैत्र १९ र २० गते दुई दिन छनौटको प्रक्रिया भईरहेको हो ।

उता चैत्र गते ११ गते देखि १७ गतेसम्म लिइएको आवेदनमा  १५ सय २ जना पुरुष र ३ सय २३ जना महिलाले आवेदन फर्म भरेका छन् । आवदेन दिनेमा ५० वर्षदेखि ५६ वर्ष सम्मका पनि रहेका छन् ।

११ गते आवेदन खुलेसँगै जिल्ला प्रहरी कार्यालयमा आवेदन दिनेहरुको भिड लागेको थियो । तर कति संख्यामा म्यादी प्रहरी भर्ना गर्ने भन्ने विषयमा माथिबाट जानकारी अझै नआएको प्रहरी निरीक्षक प्रदिप डिसीले बताए ।

म्यादीका लागि ५५ दिनको प्रहरी जवान बरावरको तलव र खाना उपलव्ध हुनेछ ।