अर्घाखाँचीमा स्थानीय निर्वाचनमा खटिने म्यादी प्रहरीका लागि लिखित परिक्षा सम्पन्न (भिडियो – तस्बिर)

सन्धिखर्क, अर्घाखाँची ( अर्घाखाँचीडट्कम)। अर्घाखाँची जिल्लामा स्थानीय तहको निर्वाचनमा खटिने म्यादी प्रहरीका लागि पहिलो चरणमा छनौट भएकाहरुको लिखित परिक्षा सम्पन्न भएको छ ।

१८ सय २५ जनाले आवेदन दिएका मध्ये दौड र पुसअपको नतिजामा पास भएका ९११ जनाले लिखित परिक्षामा भाग लिएका थिए ।  उनिहरुलाई सन्धिखर्क टुडिखेलको चौरमा राखेर परिक्षा लिईएको थियो ।

चैत्र गते ११ गते देखि १७ गतेसम्म लिइएको आवेदनमा  १५ सय २ जना पुरुष र ३ सय २३ जना महिलाले आवेदन फर्म भरेका थिए । आवदेन दिनेमा ५० वर्षदेखि ५६ वर्ष सम्मका पनि रहेका छन् ।

तर कति संख्यामा म्यादी प्रहरी भर्ना गर्ने भन्ने विषयमा माथिबाट जानकारी अझै नआएको प्रहरी निरीक्षक प्रदिप डिसीले बताए ।

म्यादीका लागि ५५ दिनको प्रहरी जवान बरावरको तलव र खाना उपलव्ध हुनेछ ।