घनश्याम पाैडेल
धातिवाङ्ग, अर्घाखाँची ३१ चैत । अमर अाधारभुत विद्यालय पाणिनि गाउँपालिका वडा नम्बर ६ धातिवाङ्ग काेट अर्घाखाँचीमा अभिभावक भेला, वार्षिक नतिजा प्रकाशन र विभिन्न खेलकुद प्रतियोगिता सम्पन्न भएकाे छ ।
नतिजाफल प्रकाशनमा कक्षा १ देखि ५ सम्म पढाईमा प्रथम, दृतिय र तृतिय खेलकुदमा हाजिरजवाफ, चम्चादाैड र रसिनघाई खेल, अनुशासित विद्यार्थी, नियमित विद्यालय अाउने विद्यार्थीलाई प्रमुख अतिथि नेपाली कांग्रेसका महाधिवेशन प्रतिनिधि युवानेता इन्द्रमणि पाैडेलले वितरण गर्नुभएकाे हाे ।
पुरस्कार वितरण गर्दै पाैडेलले नयाँ बर्षकाे शुभकामना व्यक्त गर्दै लगनशील भएर अध्ययन गर्न विद्यार्थीलाई अाग्रह गर्नुभयो ।
कार्यक्रममा विद्यालय व्यवस्थापन समिति सदस्य प्रेमनारायण पाैडेल, शिक्षक अभिभावक संघका अध्यक्ष दिनानाथ पाैडेल लगाएतले नयाँ बर्षकाे शुभकामना व्यक्त गर्नुभयो ।
कार्यक्रम विद्यालय व्यवस्थापन समितिका अध्यक्ष मुक्तिराम पाैडेलकाे अध्यक्षता, शिक्षक रविलाल पाैडेलकाे स्वागत र प्रध्यानाध्यापक हिमलाल पाैडेलकाे सञ्चालनमा सम्पन्न भएकाे पत्रकार घनश्याम पाैडेलले जानकारी दिनुभएको छ ।
चैत्र ३१ गते, २०७३ मा प्रकाशित
