प्रेम खड्का
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको भूमिकास्थान नगरपालिकाको नुवाकोटमा जीपले मोटरसाईकललाई ठक्कर दिदा २ जना घाइते भएका छन् ।
प्युठानको स्वर्गद्वारीबाट आउँदै गरेको ना १ ज १९३३ नम्बरको जीपले ठक्कर दिदा मोटरसाईकलमा सवार भूमिकास्थान नगरपालिका – ८ का पशुपती श्रेष्ठ र राम प्रसाद श्रेष्ठ घाइते भएका हुन् । मोटरसाईकल करिव २०० मिटर तल खसेको छ ।
घाइतेको सन्धिखर्क स्थित ओम पोली क्लिनिक प्रालीमा उपचार भईरहेको छ । घाइते मध्ये रामको देब्रे हात र पशुपतीको छातीमा असर परेको छ ।
ठक्कर दिने गाडीलाई नियन्त्रण लिई कारबाही चलाइएको प्रहरीले बताएको छ ।
बैशाख १७ गते, २०७४ मा प्रकाशित
