सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका – ५ वाङ्ला स्थित तिखेथुमकी एक विवाहित युवती एक हप्ता देखि बेपत्ता भएकी छिन् ।
स्थानीय भोजराज अधिकारीकी २० वर्षिया श्रीमती अन्जना अधिकारी गत हप्ता बैशाख १८ सोमबारका दिन बिहान ४ बजे वाङलाबाट बेपत्ता भएकी हुन् ।
श्रीमान भोजराज अधिकारीले हराएको भन्दै खोजी गरिदिन प्रहरीसंग अनुरोध गरेका छन् ।
उता भूमिकास्थान नगरपालिका वार्ड नम्बर ९ ( साविक नुबाकोट ४ च्युरामाटी, ढाकरेबास) दाङमागे माईतीले भने घरपरिवारले अरुकी छोरी भन्दै मानसिक तनाव दिदै आएका बताएका छन् ।
साथै ढिकुराका स्थानियबासीका अनुसार चौथो दिन उनी सन्धिखर्क देखि ढिकुरा जाने बाटोमा देखा परेकी थिईन् ।
तस्बिर: फेसबूकबाट
बैशाख २४ गते, २०७४ मा प्रकाशित
