सन्धिखर्क, अर्घाखाँची ( अर्घाखाँचीडट्कम) । नयाँ एफ.एम. अर्घाखाँचीले विभिन्न कार्यक्रम गरी आफ्नो पाँचौ स्थापना दिवस मनाउने भएको छ ।
नयाँ खवर र विचारको सम्मान, नयाँ एफ.एम. अर्घाखाँचीको पहिचान भन्ने मुल मर्मका साथ २०६९ साल जेष्ठ १३ गतेबाट प्रसारण शुरु गरेको नयाँ एफ.एम ८७.६ मेगाहर्जले आगामी जेष्ट ६ र १३ गते बिभिन्न कार्यक्रमको आयोजना गरी मनाउने भएको हो ।
नयाँ एफ.एमले यही जेष्ट ६ गते शनिबार जिल्लाभरका संचारमाध्यमहरु बिच मैत्रीपूर्ण फुटसल प्रतियोगिताको आयोजना गर्ने भएको छ । यस्तै जेष्ठ १३ गते स्थापना दिवसको दिन सन्धिखर्कमा ब् हत अन्तरक्रिया कार्यक्रम गर्ने, उत्कृष्ट फुटसल टिमलाई पुरस्कार वितरण गर्नुका साथै जिल्लाको एकजना पत्रकारलाई उत्कृष्ट पत्रकारिता पुरस्कार प्रदान गर्ने लगायतका कार्यक्रम गर्नेछ ।
नयाँ एफ.एम ८७.६ मेगाहर्ज अर्घाखाँची जिल्लामा स्थापित व्यवसायिक रेडियो हो । स्वतन्त्र पत्रकार संघ अर्घाखाँचीका अध्यक्ष हरिप्रसाद भुसाल यसका स्टेशन म्यानेजर हुन् ।
बैशाख २८ गते, २०७४ मा प्रकाशित
