बेपत्ता कल्पना बिक बाँया, बीचमा छोरी र राम बहादुर बिक ।
पोखराथोक, अर्घाखाँची ( अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर २ ( साविक पोखराथोक वार्ड नं ३ रयले) कि एक महिला छोरी र पैसा लिएर महिला बेपत्ता भएकी छिन् ।
पोखराथोकका राम बहादुर बिककी २५ वर्षिया श्रीमती कल्पना बिक १५ दिन अगाडि बुटवल जान्छु भनेर श्रीमान राम बहादुरले बिभिन्न समयमा भारतबाट पठाएको ४० हजार भारु, ६४ हजार रुपैया पुन: ५० हजार रुपैयाका साथै घरमा पालेको भैंसीलाई २५ हजार, २ बाख्रालाई १५ हजारमा बेची सम्पूर्ण रकम लिएर बेपत्ता भएकी हुन् ।
श्रीमान राम बहादुर भारतको पंजाब चिन्डिगढमा १० वर्ष देखि मजदुरी गर्दै आएका छन् ।
पीडित राम बहादुरका भाई मोनु कुमार बिकले अर्घाखाँचीडट्कमलाई बताए अनुसार कल्पना बुटवल जान्छु भनेर हिंडेको ६ दिन सम्म फोनमा संपर्क गर्दा आउन्छु आउन्छु भन्दै झुट बोल्ने र अन्त्यमा फोन स्विच अफ गरेर अहिले सम्म संपर्कमा आएकी छैनन् ।
राम बहादुरले श्रीमतीले आफुले पठाएको ठुलो रकम लिएर छोरी सहित बेपत्ता भएपछि प्रहरी प्रशासनलाई हारगुहार गरेका छन् ।
जेष्ठ ४ गते, २०७४ मा प्रकाशित
