प्रेम खड्का
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क स्थित नयाँ बसपार्कमा सोमबार बिहान रोकी राखेको बस एक्कासी चिया पसल ( होटल) मा छिर्दा २ जना घाइते भएका छन् ।
घाइते हुनेमा बामरुक हाल सन्धिखर्कमा होटेल व्यवसाय गर्दै आएकी सर्मिला भुसाल र भुमिकास्थान धनचौर ( साविक धनचौर -३ ) का टिन बहादुर पुन घाइते भएका छन् । टिन बहादुर भर्खरै विदेशबाट बसमा आएर झरेको ५ मिनेटमा घटनामा परेका थिए ।
घाइतेहरुको सन्धिखर्क जिल्ला अस्पतालमा सामान्य उपचार पछि थप उपचारका लागि बुटवल लगिएको छ ।
लु १ ख ६२२९ नम्बरको बस के कसरी गुडेर होटेलमा छिर्यो अहिले सम्म कारण खुल्न सकेको छैन । घटनाको थप अनुसन्धार गरिरहेको प्रहरीले बताएको छ ।
जेष्ठ ८ गते, २०७४ मा प्रकाशित
