खाचिकोट, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाचिकोटको उपल्लो किटेनी, लामडाँडामा राष्ट्रिय जनमोर्चाको चुनावी घरदैलो अभियान सम्पन्न भएको छ ।
घरदैलो अभियानमा मसालका जिल्ला प्रवक्ता थम्मन केसी, अर्घाखाँची डट्कमका प्रमुख मेहर सिंह केसी, स्थानिय नेता पिताम्बर भट्टराई, बसन्त खड्का, फर्स बहादुर केसी, एकता समाजका गोबिन्द थापा लगायत वार्ड उम्मेद्वार सिद्दी राज भट्टराईको उपस्थित रहेको थियो । यस वार्डमा राष्ट्रिय जनमोर्चाको अन्य राजनीतिक दलको तुलनामा बलियो जनआधार छ । साथै खाचिकोटमा यस अघिका निर्वाचनमा पनि राष्ट्रिय जनमोर्चाले जित्दै आएको छ ।
वार्ड उम्मेद्वार सिद्दी राज भट्टराई यहाँ अन्यको तुलनामा लोकप्रिय छन् । सिद्दी यस वार्डमा सामाजिक एवम बिकास कार्यमा महत्वपूर्ण योगदान दिदै आएका छन् । यस वार्डमा अरु दलका उम्मेदवार चुनावको बेला नयाँ अनुहार लिएर झुट्टा आश्वासन दिएर भोट् माग्न व्यस्त देखिन्छन् । भट्टराईलाई यहाँ व्यक्तिगत भोट् बढी आउने देखिन्छ । साथै यस वार्डमा सिद्दी भट्टराईले वार्ड अध्यक्ष पदमा धेरै मतले जित्ने अनुमान गरिएको छ।
जेष्ठ २९ गते, २०७४ मा प्रकाशित
