अर्घाखाँचीमा निर्वाचनको लागि सम्पूर्ण तयारी पूरा, उम्मेदवारी दर्ता भोली बिहान ८ बजेदेखि ४ बजेसम्म (सम्पूर्ण विवरण सहित)

सन्धिखर्क, अर्घाखाँची ( अर्घाखाँचीडट्कम) । निर्वाचन आयोगले स्थानीय तह दोस्रो चरणको निर्वाचनअन्तर्गत अर्घाखाँची जिल्लामा उम्मेदवारी दर्ताको लागि बिहान ८ बजेदेखि दिउँसो ४ बजेसम्मको समय तोकेको छ । दोस्रो चरणको निर्वाचनका लागि सम्पूर्ण तयारी पूरा भएको पनि आयोगले बताएको छ । 

यस पटकको स्थानीय तहको निर्वाचनमा अर्घाखाँची जिल्लाबाट कुल १ लाख २६ हजार ६ सय ९९ जना मतदाताले निर्वाचनमा भाग लिन पाउने छन् । जसमा पुरुष मतदाताको संख्या ६० हजार २ सय ९२ र महिला मतदाता ६६ हजार ४ सय ३ जना रहेका छन् । यसरी जिल्लामा सबै गाउँपालिकामा महिला मतदाताको संख्या बढिरहेको छ । जिल्लाभर पुरुष मतदाता भन्दा ५ हजार ७ सय ११ जना महिला मतदाताको संख्या बढि छ ।  

अर्घाखाँचीमा ९३ वटा मतदानस्थल निर्धारण गरिएको छ । जिल्लाको तीनवटा नगरपालिका र तीनवटा गाउँपालिका गरी ६ वटा स्थानीय तहमा ९३ मतदानस्थल निर्धारण गरिएको छ । जस अनुसार सन्धिखर्क नगरपालिकामा १५ स्थल, शितगंगा नगरपालिकामा २४, भूमिकास्थान नगरपालिकामा १७, पाणिनी गाउपालिकामा १४, छत्रदेव गाउपालिकामा ११ तथा मालारानी गाउपालिकामा १२ स्थल कायम भएका छन । 

यस नगरपालिकामा २४ हजार ६ सय ४२ जना कुल मतदाता रहेका छन्  । जसमा पुरुष मतदाता ११ हजार ५ सय ४५ जना  र १३ हजार ९७ जना महिला मतदाता रहेका छन् ।

साविकका सातवटा गाविस मिलेर बनेको यो नगरपालिकामा २५ हजार १ सय ४२ जना मतदाता रहेका छन् । जसमध्ये पुरुष मतदाता १२ हजार ४ सय १४ जना  र १२ हजार ७ सय ८७ जना महिला मतदाता रहेका छन् ।

यस गाउँपालिकामा कुल १८ हजार ३ सय ८ मतदाता रहेका छन् ।  जसमध्ये ८ हजार ७ सय ६५ पुरुष मतदाता रहेका छन् भने ९ हजार ५ सय ४३ महिला मतदाता रहेका छन् ।

यस गाउँपालिकामा १८ हजार ७ सय ६० जना कुल मतदाता रहेका छन् । जसमध्ये ८ हजार ८ सय ३० पुरुष मतदाता रहेका छन् भने ९ हजार ९ सय ३० महिला मतदाता रहेका छन् । छत्रदेब गाउँपालिकामा ८ वटा मतदान स्थल तय गरिएको छ ।

यस गाँउपालिकामा १८ हजार ६ सय ८७ जना कुल मतदाता रहेका छन् । जसमध्ये ८ हजार ८ सय ५५ पुरुष र ९ हजार ८ सय ३२ महिला मतदाता रहेका छन् ।

---

---