कृष्ण परियार
सन्धिखर्क, अर्घाखाँची असार-६ (अर्घाखाँची डट्कम) । आफ्नो घर परिवार सुखि र खुसी बनाउने मिठो सपना बोकेर विदेशिएको ३ बर्ष पछि घरमा फर्किदा सोचेजस्तो भए त ठिकै हो तर सोचेभन्दा धेरै फरक भयो भने के हुन्छ होला जसको खुसीको लागी आफ्नो खुसीलाई बन्दगी राखेर विदेशमा पसिना संग उनैको लागी खुसी साटेर आउदा उनै मान्छेनै नहुदा कस्तो पिडा हुन्छ होला यस्तै भएको छ । अर्घाखाँचीको सन्धिखर्क नगरपालिका २ का कृष्ण गिरिलाई ३ बर्ष सम्म मलेसियामा तिनै परिवारको लागी दुःख गरेर फर्किएका गिरिकी श्रीमति अनुजा यहि जेठ २८ गतेदेखि संर्पक विहिन भएकी छन् ।
मलेसियाबाट फर्कने क्रममा संपर्क भएको र नेपाल आई सकेपछि काठमाडौ आएर कुराकानी भएको गिरीले बताए । कुराकानीको क्रममा संन्धिखर्क सम्म लिन आउने कुरा बताएकी श्रीमति सन्धिखर्क फुदवाङ्ग आउन्जेल सम्म कुरा भएको उनी बताउछन्. । सन्धिखर्क आईसकेर पटक पटक संर्पक गर्न खोज्दा संर्पक नभएपछि उनी एक्लै घर आएका थिए । घरमा आएर फोन गर्दा आफु घास काट्न खोलातिर गएको र केहि छिन पछि फर्किने बताएकी उनी हाल सम्म पनि संर्पकमा आएकी छैनन् ।
साँझसम्म पनि घरमा नआएपछि उनको धेरै ठाउँमा खोजि गरिएको र कतैपनि नभेटिएको उनी बताउछन् । अहिले फोन संपर्क गर्दा फोन पनि नलाग्ने र उनको माईतीमा बुझ्दा माईतीमा पनि नगएको भन्ने बुझिएपछि प्रहरिमा खोजी गर्दिनको लागी अनुरोध गरेको उनले बताए । एक ३ बर्षिया छोरी रहेको बताउने उनले आफुले विदेशमा कमाएको करिव २ लाखको हिसाव किताव समेत नभएको अर्घाखाँची डट्कमलाई बताएका छन् ।
आजभन्दा ६ बर्ष पहिला गुल्मी जिल्लाको पौदी अमराईमा विहे गरेका गिरि विहे गरेको ३ बर्षपछि परिवारको खुसीको लागी मलेसिया गएका थिए । मेलेसियामा उनै परिवारको लागी धेरै दुख गरेको र धेरै कष्ट समेत पाएको उनी बताउछन् । आफ्नो साथमा नभएपनि आफुले विदेशमा दुख गरि कमाएको पैसाको हिसाव किताव बुझाईदिए राम्रो हुने बताएका छन् । आफु विदेशमा रहुन्जेल भने उनी संग राम्रै सम्कन्ध भएको गिरिले बताएका छन् । उता जिल्ला प्रहरि कार्यालय अर्घाखाँचीले भने खोजी भैरहेको तर अहिले सम्म कहि कतै नभेटिएको बताएको छ । गिरिले अहिले सम्म फोन प्रयास गर्दा संपर्क नभएको बताए । कहि कतै देखेमा खबर गरि सयोग गरिदिन गिरिले अनुरोध गरेका छन् । श्रीमान कृष्ण गिरिको फोन ९८६७९४३००५ धन .व .गिरिको फोन ९८४७४४४५४२ उनकी श्रीमती अनुजाको फोन. ९८०६९८३०३३ रहेको छ ।
आषाढ़ ६ गते, २०७४ मा प्रकाशित
