प्रेमनारायण आचार्य
सन्धिखर्क, अर्घाखाँची । आज हुन गईरहेको दोस्रो चरणको स्थानीय निर्वाचनमा अर्घाखाँचीको सन्धिखर्क नगरपालिकामा तीनजना मेयरका उम्मेदवारले एउटै मतदान केन्द्रबाट मतदान गर्दै हुनुहुन्छ ।
सन्धिखर्क नगरपालिकामा कांग्रेस, एमाले र नयाँ शक्ति नेपालका उम्मेदवारले वडा नम्ब-२ को अर्घाखाँची शिक्षा क्याम्पस केन्द्रबाट मतदान गर्नेभएका हुन् ।
नेपाली कांग्रेसबाट मेयरका उम्मेदवार कमलप्रसाद भुषाल, एमालेबाट कृष्णप्रसाद श्रेष्ठ र नयाँ शक्ति पार्टीका यमुना भुषालले एकै स्थानबाट मतदान गर्ने हुनुभएको हो ।
एमाओवादी नेता तथा पूर्व मन्त्री टोपबहादुर रायमाझी, कांग्रेस नेता तथा पूर्व मन्त्री रेवतीप्रसाद भुषालले पनि एउटै मतदान केन्द्रबाट मतदान गर्दै हुनुहुन्छ । उहाँहरु दुवैले सन्धिखर्क नगरपालिकाको वडा नम्बर-९ को अर्घारासीचौर केन्द्रबाट मतदान गर्दै हुनुहुन्छ ।
आषाढ़ १४ गते, २०७४ मा प्रकाशित
