सन्धिखर्क नगरपालिकाको मेयरमा कांग्रेसका कमल प्रसाद भुसाल र उपमेयरमा माओवादी केन्द्रका ठाकुर कुमार बिक निर्वाचित

सन्धिखर्क, अर्घाखाँची ( अर्घाखाँचीडट्कम) । दोस्रो चरणको स्थानीय तहको निर्वाचनमा अर्घाखाँची जिल्लाको सन्धिखर्क नगरपालिकाको मेयर पदमा नेपाली कांग्रेसका कमल प्रसाद भुसाल र उपमेयर पदमा माओवादी केन्द्रका ठाकुर कुमार बिक निर्बाचित भएका छन् ।

भुसालले ८२३० मत लिएर मेयर पदमा बिजयी भएका हुन् । उनका प्रतिद्वन्द्वी एमालेका कृष्णप्रसाद श्रेष्ठले ७१२७ मत लिएका छन् ।

यस्तै उपमेयर पदमा माओवादी केन्द्रका ठाकुर कुमार बिक  ७३६५  मत बिजयी भएका छन् ।  उनका प्रतिद्वन्द्वी एमालेका ईश्वरा पोखरेलले ६४०४ लिएकी छिन् ।

सन्धिखर्क नगरपालिकाका १२ वडामध्ये ६ वडा नेपाली कांग्रेसले, ५ वडा एमालेले र १ वडा माओवादी केन्द्रले जितेको छ ।

---