अछामको मेल्लेख गाउँपालिका-८ मा चितुवाको आक्रमणबाट एक किशोरीको ज्यान गएको छ ।
घरमा सुतिरहेको अवस्थामा १३ वर्षीया किशोरीलाई मंगलबार राति चितुवाले आक्रमण गरेको हो ।
मेल्लेख गाउँपालिका-८ हात्तीकोटको डुग्रीगाउँका गोपाल भुलकी छोरी पवनलाई चितुवाले आक्रमण गर्दा उनको ज्यान गएको प्रहरी कार्यालय अछामले जानकारी दिएको छ ।
प्रहरीकाअनुसार राति आमासँगै ढोकानजिकै सुतेकाबेला चितुवाले आक्रमण गरेको हो । करिब १०० मिटर पर उनको शव भेटिएको थियो ।
मृतक किशोरीको शव पोस्टमाटमका लागि जिल्ला अस्पताल मंगलसेनमा ल्याइएको छ । इमेजखबरमा समाचार छ ।
आषाढ़ २१ गते, २०७४ मा प्रकाशित
