शिव बहादुर पुन र उनले काम गर्ने, बस्ने होटल भोजनालयको विवरण
अर्घाखाँचीडट्कम संवाददाता
नई दिल्ली (अर्घाखाँची डट्कम) । अर्घाखाँची जिल्ला भुमिकास्थान नगरपालिकाको नुवाकोट बादुका एक युवा तीन दिन देखि भारतको हरियाणा राज्यको गुड़गांवबाट हराएका छन् ।
भुमिकास्थान नगरपालिका वार्ड न. ७ ( साविक नुवाकोट – ५ को बादुका) का नारायण पुनका छोरा शिव बहादुर पुन हरियाणा राज्यको गुड़गांवबाट गत साउन ९ ( जुलाई २४) देखि बेपत्ता भएका हुन् ।
प्रकाश क्षेत्रीले अर्घाखाँची डट्कमलाई बताए अनुसार करिव १५ दिन अगाडि नेपालबाट दिल्ली आएका १८ वर्षिय पुनले पाँच दिन देखि गुडगांउको एक होटेल भोजनालयमा बस्ने र काम गर्दै आएका थिए ।
उनको खोजीकार्यको लागि स्थानिय पुलिस चौकीमा उजुरी दर्ता गरिएको छ । साथै उनलाई भेटाएमा सम्पर्क नम्बर भारतमा 9599496201 / 8587083916 नेपालमा ९८४४७४००६८ संपर्क गरेर जानकारी गराउन सकिनेछ ।
श्रावण ११ गते, २०७४ मा प्रकाशित
