बागीको टारीमा मोटरसाइकल दुर्घट्ना हुँदा २ जना घाइते (भिडियो)

सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको मालारानी गाउँपालिकाको  बागी – -अर्घाको टारीमा मोटरसाइकल दुर्घट्ना हुँदा २ जना घाइते भएका छन् ।

शितगंगा नगरपालिका – ७ जलुकेका वर्ष ३५ का मोटरसाइकल चालक ईन्द्र बहादुर थापा र पछाडि बस्ने मालारानी गाउँपालिका – ६ का वर्ष ५४ का रिम प्रसाद पन्थी घाइते भएका हुन् । पन्थी सिदार्थ उच्च मावीका शिक्षक हुन् ।

हंसपुरबाट सदरमुकाम सन्धिखर्क आउने क्रममा बागी-अर्घाको टारीमा मोटरसाइकल दिउसो ४:३५ बजे दुर्घट्ना थियो । घाइतेहरुको टाउको र हातमा चोट लागेको छ। उनिहरु दुवैलाई जिल्ला अस्पताल सन्धिखर्क उपचार हुन नसक्दा बुटवल रिफर गरिएको छ ।

मोटरसाइकल ब्रेक फेल भएर दुर्घट्ना भएको बताइएको छ ।