अफगानिस्तानको राजधानी काबुलस्थित इराकी दूतावासमा आक्रमण गर्ने चारै जना आक्रमणकारीहरु मारिएका छन् ।
सोमबार (आज) बिहान गरिएको उक्त आक्रमणमा एकजनाले आत्मघाती बम्ब विस्फोट गराएपछि अन्य तीनजना इस्लामिक लडाकुले दूतावासभित्र पसेर आक्रमण गरेका हुन् ।
बन्दुकधारी इस्लामिक लडाकु र अफगानिस्तान सुरक्षाबलबीच करिव चार घन्टा दोहोरो भिडन्त भएको र चारै जना सुरुक्षा कारबाहीमा मारिएको अफगानिस्तान आन्तरिक मन्त्रालयले जनाएको छ ।
मन्त्रालयका अनुसार घटना लगत्तै दूताबासमा रहेका कर्मचारीलाई सुरक्षित रुपमा बाहिर निकालिएको र एकजना सैनिक सामान्य घाइते भएको उल्लेख गरेको छ ।
इराकी दूतावासले मोसुल शहरमा इस्लामिक स्टेट्समाथि जीतको खुशियाली मनाएको एकसातापछि पहिलोपटक दूतावासमा आक्रमण भएकोे बीबीसीले उल्लेख गरेको छ ।
श्रावण १६ गते, २०७४ मा प्रकाशित
