विक्रम पाण्डे समान्ता
सन्धिखर्क, अर्घाखाँची , १९ श्रावण । सन्धिखर्क नगरपालीका वडा नं. १ मा रहेको आदर्श नगर हस्पिटल लाइन विकास समितिको आयोजनामा सन्धिखर्कमा विहिवार निर्वाचित जन प्रतिनिधीहरुलाई सम्मान तथा अभिनन्दन गरीएको छ ।
कार्यक्रममा सन्धिखर्क नगरपालीकाका मेयर कमल प्रसाद भुसालको प्रमुख आतिथ्यता , उपमेयर ठाकुर कुमार विकको विशिष्ट आतिथ्यतामा सम्मान कार्यक्रम सम्पन्न भएको हो ।
त्यस्तै कार्यक्रममा सन्धिखर्क नगरपालीका वडा नं. १ का वडा अध्यक्ष युवराज बन्जाडे , वडा नंन ३ का वडा अध्यक्ष लिला गौतम , वडा नं. १ सदस्यहरु , नेकपा एमाले सन्धिखर्क नगर कमिटीका सचिवालय सदस्य विष्णु परीयार लगायतको उपस्थिती रहेको थियो ।
कार्यक्रममा टोल विकास समितिका उपाध्यक्ष तारा चुँदालीले निर्वाचित जनप्रतिनिधीहरुलाई बधाई तथा शुभकामना दिदैँ आप्ःनो टोलमा भएका समस्याहरु कार्यक्रमममा रोखेका थिए । उनले बाटो कालो पत्रे हुनु पर्ने , खानेपानी नाली ब्यबस्थापन , विद्युत लगायतका समस्याहरु रहेको उपस्थित जन प्रतिननिधीहरुलाई जानकारी गराएका थिए ।
कार्यक्रममा बोल्दै प्रमुख अतिथी कमल प्रसाद भुसालले आफु अव नेपाली काङग्रेसको मात्र नभई सन्धिखर्क नगरपालीकाको साझा प्रतिनिधी भएकोले यो नगरलाई समृद्ध र हरीयाली , सुन्दर बनाउने कुरामा लाग्ने बताएका छन् ।
त्यस्तै कार्यक्रममा बोल्दै उपमेयर ठाकुर कुमार विकले अमूल्य मत दिई विजय गराउने सम्पूर्ण मतदामताहरुलाई धन्यवाद दिँदै आफु जनताको रिणी भएको र यो रिण पाँच वर्षमा साँवा ब्याज गरी तिर्ने भन्दै विकले आफु असल रिणीको रुपमा प्रस्तुत हुने बताएका छन् ।
त्यस्तै वडा नं. १ का वडा अध्यक्ष युवराज बन्जाडेले वडामा भएका समस्याहरु प्रति ध्यान आकर्षण भएको बताउँदै समस्याहरु हल गर्न टोलको विकासको लागी शरीरमा तातो र रातो रगत भए सम्म लाग्ने बताएका थिए ।
कार्यक्रम टोल विकास समितीका अध्यक्ष कुष्ण बहादुर खत्रीको अध्यक्षता , सदस्य कमल प्रसाद भुसालको स्वागत मन्तब्य र कोषाध्यक्ष राधा पराजुलीको सञ्चालनमा सम्पन्न भएको थियो ।
श्रावण १९ गते, २०७४ मा प्रकाशित
