विनोद गैरे
अन्तराष्ट्रिय युवा दिवसको अबसरमा राष्ट्रिय युवा समितिको कार्यालय अर्घाखाँचीको आयोजनामा सदरमुकाम सन्धिखर्कमा खल्ला व्यडमिन्टन प्रतियोगिता सम्पन्न भएको छ । प्रतियोगितामा अर्घाखाँची जिल्लाका विभिन्न २७ समुहले भाग लिएका थिए । प्रतियोगिताको उपाधि अशोक भुसालको समुहले हात पारेको छ । फाइनल खेलमा भोजबहादुर गन्धर्वको समुहलाइ सोझो सेटमा पराजित गर्दै भुसालको समुहले जित हासिल गरेको हो । कार्यक्रमको समापन समारोहमा जिल्ला न्यायाधीश केसव प्रसाद बास्तोला, प्रहरी नायव उपरीक्षक एकनारायण कोईराला, जिल्ला शिक्षा कार्यालयका शाखा अधिकृत चोपलाल बेल्बासे, जिल्ला समन्वय समितिका प्रेम खनाल, अर्घाखाँची युवा परिषदका अध्यक्ष कृष्ण प्रसाद भुसाल , जिल्ला युवा सञ्जालका अध्यक्ष मनिष सिंह, तरुण दल अध्यक्ष नारायण खड्का, युवा संघका अध्यक्ष गोविन्द आचार्य, अखिल नेपाल युवक संगठनका अध्यक्ष कबिराम खनाल, पत्रकार महासंघका अध्यक्ष हिमबहादुर जिसि लेकालि, अखिलका जिल्ला अध्यक्ष प्रदिप नेपाली लगायतको सहभागीता रहेको थियोे । कार्यक्रम जिल्ला युवा सञ्जालका अध्यक्ष लिलबहादुर बिकको अध्यक्षता र हरि भुसालको सञ्चालनमा सम्पन्न भएको थियो ।
श्रावण २८ गते, २०७४ मा प्रकाशित
