विन्दु घिमिरे
ढिकुरा, अर्घाखाँची । अर्घाखाँची रुपन्देही समाजको आयोजनामा हिजो भुमिकास्थान नगरपालीका वडा ९ गौचौरदहमा खुल्ला तिज गित प्रतियोगिता सम्पन्न भएको छ ।
कार्यक्रममा समाजका दिलबहादुर थापा बिन्दु को अध्यक्षता भुमिकास्थान नगरपाल्ीका वडा नं.का वडा अध्यक्ष नारायण प्रसाद खनालको प्रमुख आतिथ्यता , त्यस्तै कार्यक्रममा केशबराज पौडेल र कमल खासुको विशिष्ट आतिथ्यता रहेको थियो ।
कार्यक्रममा १० वटा समूहले दर्ता गरेका थिए । प्रतियोगितामा देउराली कृषक आमा समूह भु न पा ९ काफ्ले प्रथम , सत्यदेबी आमा समूह भु न पा ९ गौचोर द्धितीय , नागरीक सचेतना समूह भु न पा ९ हर्राचौर तृतीय , ढिकुरा नमुना युवा परिषद भु न पा ९ गैरागोठको समूह सान्त्वना ,र सृजनशिल आमा समूह स न पा उत्कृष्ट नृत्य पुरस्कार प्राप्त गर्न सफल भएको छ ।
कार्यक्रम समाजका उपाध्यक्ष मदन मरासीनिको स्वागत मन्तब्यबाट सुरु भएको कार्यक्रमको सञ्चालन समाजका सचिव भुवन दर्लामीले गर्नुभएको थियो । प्रतियोगिताको म्रल्याङकन राष्टिय स्तरका कलाकार वसन्त लम्साल , दिपक दर्लामी र शान्ता खासु मगरले निर्णायको भुमिका निर्वाह गर्नु भएको थियो ।
भाद्र ३ गते, २०७४ मा प्रकाशित
