विनोद गैरे
सन्धिखर्क, अर्घाखाँची । अर्घाखाँची जिल्लाको सदरमुकाम सन्धिखर्क वडा नं. १ स्थित त्रिबेणी ग्रिल तथा स्टिल दराज उद्योगको नजिकै अल्फावेट नखुलेको ७८४७ मोटरसाईकलले ठक्कर दिदा मालारानी गाउँपालिका वडा नं. ४ की बर्ष ३२ की सिता वि.क घाईते भएकी छिन ।
घाईते वि.क.को अहिले जिल्ला अस्पताल अर्घाखाँचीमा उपचार भईरहेको छ । विपरित दिशावाट आईरहेको मोटरसाईकलले ठक्कर दिई फरार भएको र तत्कालै स्थानीयवासीहरुले जिल्ला ट्राफिक कार्यालय अर्घाखाँचीलाई जानाकारी गराए पछि तत्काल जिल्ला ट्राफिक कार्यालय अर्घाखाँचीका (प्रमुख) सई चन्द्रिका चौधरी सहितको टोली घटनास्थल पुगी अनुसन्धान गरिरहेको छ ।
मोटरसाईकल महिलालई ठक्कर दिई बसपार्कको उकालो हुदै फरार भएको स्थानीयको भनाई छ । अहिले जिल्ला ट्राफिक कार्यालय अर्घाखाँचीको टोलीले खोजीकार्य जारी राखेको जानाकारी दिएको छ ।
भाद्र ११ गते, २०७४ मा प्रकाशित
