अर्घाखाँचीडट्कम संवाददाता
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्कमा साइकल चलाउने क्रममा दुर्घट्ना परि २ जना बालक घाइते भएका छन् ।
मालारानी गाउँपालिका वार्ड नं ४ घर भई हाल सन्धिखर्क नगरपालिका वार्ड नं १ रतहले बस्दै आएका दिपक बिकका दुई छोरा सौरब बिक र सचीन बिक साइकल चलाउने क्रममा नयाँ बसपार्क ओरालोमा दुर्घटना हुँदा गम्भीर घाइते भएका हुन् ।
घाइते बालकहरुलाई गस्तिमा रहेका प्रहरीले उद्दार गरी फिल्मिहल लाइनमा रहेको लुहेस्को क्लिनिकमा उपचार गरिएता पनि पाल्पा वा भैरहवा उपचार रिफर गरिएको छ । उनिहरु मध्ये एक जनाको टाउकोमा गम्भीर चोट लागेको छ भने एक बालकको दाहिने हात भाँचिएको र शरीरमा पनि चोट लागेको छ।
उनिहरु आफ्नी आमा खन मकै भाँच्न गएको र बिधालय बिदाको मौका छोपी साइकल चलाउदा ओरालोमा दुर्घट्ना भई पक्की नालिमा लडदा घाइते भएका थिए । घाइते सौरबले कक्षा ८ र सचिनले २ कक्षामा पढदै आइरहेका छन् ।
तस्बिर: सहयोगी बिसीबाट
भाद्र १८ गते, २०७४ मा प्रकाशित
