अर्घाखाँचीडट्कम संवाददाता
सन्धिखर्क, अर्घाखाँची ( अर्घाखाँचीडट्कम) । अर्घाखाँची जिल्लाको शीतगंगा नगरपालिका स्थित जलुके नौमुरेमा परापुर्व कालमा लेखिएको शिलालेख फेला परेको छ ।
शीतगंगा नगरपालिका ७ साविक जलुके गाबिसको रातामाटा नौमुरेमा एउटा ढुङ्गामा परापुर्व कालमा नेपाली भाषामा लेखिएको अभिलेख फेला परेको हो । शिलालेखमा मिती १६८५ साल चैत्र १३ गते रहेको छ ।
नौमुरे जलविद्युत आयोजना स्थलको बहाव नाप्ने मेसिन हेरेर फर्कने क्रममा शिलालेख भेटिएको पत्रकार विनोद गैरेले जानकारी दिनु भयो । यो शिलालेख अहिले सम्म कसैले देखेका थिएनन । श्री लेखिएकोले कुनै सरकारी तर पुरानो अभिलेख हुनसक्ने वा राप्ति नदिले बगाएर ल्याएको हुनसक्ने अनुमान गरिएको पत्रकार गैरेको भनाइ छ ।
यो पुरानो लिपि हो यसलाई पुरानो बिज्ञले बिश्लेषण गर्नुसक्ने भन्दै त्यहाँ लिएका तस्बिर हरु फोटो बिज्ञलाई पठाएको सहायक प्रमुख जिल्ला अधिकारी नारायण खत्रीले बताउनु भयो ।
शिलालेख ठुलो ढुङ्गामा रहेको र गढेको छ । साथै त्यहाँ जाने बाटो छैन । स्थानियबासी त्यहाँबाट ठाढा रहेका छन् । शिलालेख फेला परेको ठाउँ ठाडाबाट २ किलोमिटरको दुरीमा रहेको छ ।
भाद्र १९ गते, २०७४ मा प्रकाशित
