अर्घाखाँचीडट्कम संवाददाता
सन्धिखर्क, अर्घाखाँची । अर्घाखाँची जिल्लाको सन्धिखर्कमा एक ट्याक्सी ड्राइभरले यात्रुको एक लाख बराबरको फेला परेको गहना इमान्दारिताका साथ फिर्ता गरेका छन् ।
अर्घाखाँची ट्याक्सी ब्यबसायी समितीबाट संचालित दिनेश बिश्वकर्माले चलाउदै आएको बा १८ च ६०९ नम्बरको ट्याक्सीमा भेटिएको एक लाख बराबर पर्ने सुनका गरगहना सन्धिखर्क नगरपालिका वडा नं. ८ उपल्लो किमडाँडा घर भै हाल कृष्णनगरमा होटल ब्यबसाय गरि बस्ने शोभा भुसाललाई हस्तान्तरण गरेका हुन् ।
जिल्ला प्रहरी कार्यालयका प्रहरी सहायक निरीक्षक छोटेलाल गुप्ता, ट्याक्सी ब्यबसायी समितिका अध्यक्ष महेन्द्र कुमार भुसाल, सन्धिखर्क नगरपालिका वार्ड नं. २ का अध्यक्ष मोतिजंग रायमाझी, वडा नं. ८ का वार्ड सदस्य कमल पराजुलीको रोहबरमा शोभा भुसाललाई दिनेश बिश्वकर्माले सुनका गरगहना हस्तान्तरण गरेका थिए ।
यस्तै लाखौ पर्ने गरगहना इमान्दारिताका साथ भेट्टाएको जानाकारी दिएर सम्बन्धित ब्यक्तिलाई फिर्ता गरेको भन्दै दिनेशलाई प्रशंसा गर्दै नगद पुरस्कार सहितले सम्मान र धन्यवाद समेत व्यक्त गरिएको थियो ।
आश्विन १५ गते, २०७४ मा प्रकाशित
