प्रेम खड्का
सन्धिखर्क, अर्घाखाँची ( अर्घाखाँचीडट्कम)। अर्घाखाँची जिल्लाको भुमिकास्थान नगरपालिका वडा नं.-३ हिले थारपाईला बरारुखमा लु१ज ३३४४ नम्वरकाे ट्याक्सी दुर्घटना हुँदा ४ जना घाईते भएका छन् ।
घाईते हुनेहरुमा धारापानी फलाम खिल्जीका बर्ष ४२ का मेघ बहादुर थापा, उनका छाेरा बर्ष ९ का समीर थापा, धारापानी हिलेका वर्ष ५८ का बिन बहादुर पुन र फलामखिल्जी कै ट्याक्सी चालक नारायण अाले रहेका छन् ।
घाईतेहरु मध्य समीर थापाकाे टाउकाे र देब्रे हातमा गम्भीर चाेट लागेकाेले जिल्ला अस्पताल अर्घाखाँचीमा सामान्य उपचार पश्चात बुटवल रिफर गरिएकाे छ । अन्य घाईतेहरुकाे अवस्था सामान्य रहेकाेले जिल्ला अस्पताल अर्घाखाँचीमा उपचार भईरहेकाे छ ।
ट्याक्सी सडकबाट अन्दाजी १५० मिटर तल खसेकाे स्थानीयले जनाएका छन् । दुर्घटना के – कसरी भएकाे हाे साेकाे अनुसन्धान भईरहेकाे जिल्ला प्रहरी कार्यालय अर्घाखाँचीले जनाएकाे छ ।
आश्विन १८ गते, २०७४ मा प्रकाशित
