बुटवलमा
अर्घाखाँचीडट्कम संवाददाता
बुटवल । रुपन्देहीको बुटवलमा युवती अपहरण गरी २ करोड रुपैयाँ फिरौती माग्ने अर्घाखाँचीको भुमिकास्थान गाउँपालिकाका एक युवा सहित ६ जनालाई प्रहरीले पक्राउ गरेको छ ।
पक्राउ पर्नेमा ६ जना मध्ये भूमिकास्थान गाउँपालिकाका २८ वर्षे दिपक नेपाली रहेका छन् । दिपक लामो समय देखि बुटवलमा बस्दै आएका व्यक्ति हुन् ।
यस्तै अन्य पक्राउ पर्नेमा रुपन्देहीको सैनामैना नगरपालिकाका २२ वर्षिय प्रकाश भुसाल, २१ वर्षिय अनमोलजंग राणा, शुद्धोद्धन गाउँपालिकाका २१ वर्षिय राजीव सुनारी मगर, तिलोत्तमा नगरपालिकाका ३९ बर्षिय लालु पुन र ३९ वर्षिय डम्बर बहादुर राना रहेको प्रहरीले जनाएको छ ।
उनीहरुले गत असोज २ गते सैनामैना १ की २१ बर्षिया रेखा भुसाललाई अपहरण गरी २ करोड फिरौती मागेका थिए । अभियुक्तको साथबाट अपहरणमा प्रयोग भएका लु १ ज ३४३६ नम्बरको मारुती कार, खुकुरी, चक्कु, मोवाइल, साइकल, तन्ना लगायतका सामान तथा कपडा बरामद भएको प्रहरीले जनाएको छ ।
आश्विन २२ गते, २०७४ मा प्रकाशित
