अर्घा मसुर पाटामा शुभ दिपावलीको अवसरमा क्रिकेट प्रतियोगिता शुरु (तस्बिर सहित)

युवराज थापा

अर्घा, अर्घाखाँची (अर्घाखाँचीड्टकम ) अर्घाखाँची जिल्लाको सन्धिखर्क नगरपालिका वार्ड न -९ अर्घा मसुर पाटामा शुभ दिपावलीको अवसर पारी क्रिकेट प्रतियोगिता शुरु भएको छ ।

अर्घा भगवती स्पोर्ट्स क्लबले उत्कृष्ट खेलाडिलाई सम्मान स्थानिय खेलाडिलाई रास्ट्रीय खेलाडी बनाउने मुल नाराका साथ आज बिहीबारको दिन देखि अर्घाको मसुर पाटामा रहेको खेल मैदानमा क्रिकेट प्रतियोगिता शुरु भएको हो ।

प्रतियोगिताको सन्धिखर्क नगरपालिकाका प्रमुख कमल प्रसाद भुसाल, उप प्रमुख , बिशिस्ट अथिती ठाकुर कुमार बिक (किशोर ) बिशिस्ट अथित्तीहरु समाजसेवि तथा मोडल युवराज थापा, रामबहादुर रायमाझी , देब बहादुर रायमाझी लगायतको उपस्थितिमा उदघाटन भएको थियो ।

अर्घा भगवती स्पोर्ट्स क्ल्बको आयोजनामा शुरु भएको बृहत् खुल्ला क्रिकेट प्रतियोगिताको सन्चालन वसन्त के.सी र आयोजना प्रकाश अधिकारीबाट भएको हो ।

उक्त ११ टिमको सहभागिता रहेको खुल्ला क्रिकेट प्रतियोगितामा प्रथम पुरस्कार सौजन्री सन्धिखर्क नगरपालिका वार्ड न- १० बेल्टारिका हाल रोजगारीको शिलशिलामा इजरायलमा कार्यरत रहनुहुने रहनुहने समाजसेवि युवा युवराज थापाले राख्नु भएको हो । यस्तै प्रतियोगिताको दोस्रो पुरस्कार सौजन्य भेषराज पराजुलिले राख्नु भएको छ ।