प्रेम खड्का
फुदवाङ, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ फुदवाङमा ट्याक्सी र मोटरसाइकल एक आपसमा ठोक्किदा २ जना घाइते भएका छन् ।
फुदवाङमा लु १ ज ३५६३ नम्बरको ट्याक्सी र विपरित दिशाबाट आएको बा १० प ७८६३ नम्बरको मोटर साइकल एक आपसमा ठोक्किदा बाइक चालक र पछाडि रहेका सन्धिखर्क नगरपालिका वार्ड नम्बर ७ डिहिडाँडाका कृष्ण आचार्य र भूमिकास्थान नगरपालिका वार्ड नम्बर ९ ढिकुराका पुरन विक घाइते भएका हुन् ।
दुवै घाइतेको अहिले जिल्ला अस्पताल सन्धिखर्कमा उपचार भईरहेको छ । दुर्घटनाको बिषयमा अनुसन्धान भईरहेको जिल्ला प्रहरी कार्यालय अर्घाखाँचीका सुचना अधिकारी प्रदिप कुमार डिसीले जानकारी दिए ।
सन्धिखर्कका साघुरा सडकहरुमा तिव्रगतिमा सवारी साधन चलाएको देखिन्छ ।
आश्विन २७ गते, २०७४ मा प्रकाशित
