प्रेम खड्का
सन्धिखर्क, अर्घाखाँची ( अर्घाखाँचीडट्कम) । नेपाल प्रहरीले शुक्रबार अर्घाखाँची जिल्लाको सन्धिखर्कमा ६२ औं प्रहरी दिवस मनाएको छ । दिवसको अवसरमा सन्धिखर्कमा प्रहरीले कार्यक्रम आयोजना गरेको थियो ।
दिवसमा सहभागी वक्ताहरुले सरकारले प्रहरीको मनोबल उच्च हुने वातावरण तयार गर्नुपर्नेमा जोड दिएका थिए । जिल्ला प्रहरी कार्यालय अर्घाखाँचीमा आयोजना गरिएको कार्यक्रममा प्रमुख जिल्ला अधिकारी खिमराज भुसाल, प्रहरी नायव उपरिक्षक एकनारायण कोइराला, नेपाल पुर्व प्रहरी संगठनका डिलाराम पाण्डे, पत्रकार महासंघका सुर्य भुसाल लगायतले बोलेका थिए ।
कार्यक्रममा पश्चिम नेपाल बस व्यवसायी समिती, देउँराली यातायात व्यवसायी समिती, टयाक्सी व्यवसायी समिती, नेपाल पत्रकार महासंघ अर्घाखाँची, नेपाल निमार्ण व्यवसायी संघ, उद्योग वाणिज्य संघका सचिव प्रदिप मिश्र, उत्कृष्ट काम गरे वापत जिल्ला प्रहरी कार्यालयका प्रहरी निरिक्षक प्रदिप कुमार डिसीलाई सम्मान पत्र र खादाले सम्मान गरिएको थियो ।
कार्यक्रम प्रहरी नायव उपरिक्षक एकनारायण कोइरालाको अध्यक्षता, प्रहरी निरिक्षक प्रदिप कुमार डिसीको स्वागत र प्रहरी नायव निरिक्षक सुरेशराज भट्टको सञ्चालनमा सम्पन्न भएको थियो ।
आश्विन २७ गते, २०७४ मा प्रकाशित
