प्रेम खड्का
जगत, अर्घाखाँची ( अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ जगत (नरपानी मुनी ढाडखोला नजिकै) मा जीप दुर्घटना हुँदा १ जनाको मृत्यु भएको छ । भने ८ जना घाइते भएका छन् । दुर्घटनामा गुल्मी पुर्कोटदहकी ३३ वर्षिया शारदा के.सीको घटनास्थलमा मृत्यु भएको छ ।
गुल्मीको पुर्कोटदहबाट सन्धिखर्क हुदै बुटवलतर्फ जाँदै गरेको लु१च ६७६६ नम्बरको बोलेरो जिप जगतको सडकबाट १०० मिटर तल खसेको छ । जीपमा ९ जना सवार थिए । जिप चालक फरार रहेका छन् । घाइते सबैलाई उपचारका लागि बुटवल लगिएको छ ।
जीप दुर्घटना भएको ठाउँमा प्रहरी नायव उपरीक्षक एकनारायण काेईराला सहितको प्रहरी टोली उद्दारका लागि पुगेको थियो।
नरपानीको घुम्टी । फाइल तस्बिर
कार्तिक ६ गते, २०७४ मा प्रकाशित
