अर्घाखाँचीमा २ जनाले उम्मेदवारी फिर्ता लिए, बाम गठबन्धनलाई समर्थन गर्ने (अब चुनावमा प्रतिस्पर्दा गर्ने उम्मेदवारहरुको विवरण सहित )

सन्धिखर्क, अर्घाखाँची कात्तिक १९  (अर्घाखाँचीडट्कम) । आगामी मंसिर २१ गते हुने गईरहेको प्रतिनिधि सभा तथा प्रदेश सभा निर्वाचनका लागि अर्घाखाँचीमा मनोनयन दर्ता गरेका मध्ये २ जनाले उम्मेदवारी फिर्ता लिएका छन् ।

आज  नाम फिर्ता तथा उम्मेदवारको अन्तिम नामावली प्रकाशन र चुनाव चिह्न प्रदान गर्ने मुख्य निर्वाचन अधिकृतको कार्यालय अर्घाखाँचीको तालिका अनुसार प्रतिनिधि सभाको लागि मनोनयन दर्ता गरेका राष्ट्रिय जनमोर्चाका उम्मेद्वार शेरबहादुर बिसी र प्रदेश सभा  संसदको निम्ति बाट स्वतन्त्र उम्मेदवार रोमाहर्ष खनालले उम्मेदवारी फिर्ता लिएका हुन् । 

तर राष्ट्रिय जनमोर्चाका   प्रदेश सभा क्षेत्र नं. १  सागर के.सी.  र प्रदेश सभा क्षेत्र नं. २ मा झबिलाल थापाको उम्मेद्वारी यथावत रहेको छ । 

राष्ट्रिय जनर्मोचाबाट प्रतिनिधीसभामा उम्मेदवारी दिएका शेर बहादुर विसीले बामपन्थीका उम्मेदवार टोप बहादुर रायमाझीलाई समर्थन गर्न उम्मेदवारी फिर्ता फिर्ता लिएको बताए ।  केन्द्रिय कार्यालयको सहमति अनुसार रायमाझीलाई समर्थन गदै उम्मेदवारी फिर्ता लिएको विसीले बताए । 

अब आफू र आफ्नो पार्टी राष्ट्रिय जनमोर्चाले प्रतिनिधि सभामा बाम गठबन्धनका उमेदवार टाेपबहादुर रायमाझीलाई सघाउने समेत जानकारी दिदै, केन्द्रमा प्रदेश सभाको विषयमा समेत सहमतिको प्रयास भइरहेको उनले बताए ।  

यस्तै प्रदेश नम्वर १ मा उम्मेदवार दिएका माओवादीका बागी उम्मेदवार रोमाहर्ष खनालले पनि बामपन्थीका साझा उम्मेदवार चेतनारायण आचार्यलाई सर्मथन गदै उम्मेदवारी फिर्ता लिएका छन् ।  आचार्यलाई समर्थन गदै आफनो उम्मेदवारी फिर्ता लिएको खनालले जानाकारी दिए । 

खनालले दिउसो १२ बजे उम्मेदवारी फिर्ता लिएका थिए । उम्मेदवारी फिर्ता हुने समय दिउसो १ बजे सम्म रहेको थियो ।