प्रेम खड्का
सन्धिखर्, अर्घाखाँची, ६ मंसिर । अर्घाखाँची जिल्लाको भुमिकास्थान नगरपालिका वडा नं. ७ नुवाकोटको गनेरिबोट (कमलीपोखरा) मा जीप दुर्घटना भएको छ । दुर्घटनामा १४ जना घाइते भएका छन् ।
सदरमुकाम सन्धिखर्क देखि भुमिकास्थान नगरपालिका वार्ड नं. ७ सलेन्धाराका लागि आज दिउँसो ३ बजे छुटेको देउराली यातायात व्यवसायी समिति अर्घाखाँचीको ग १ ज ६०५७ नम्बरको महेन्द्रा सवारी जिप भुमिकास्थान नगरपालिका वडा नं. ७ गनेरिबोटमा दुर्घटना भएको हो ।
दुर्घटनामा घाईतेहुनेहरुमा भुमिकास्थान नगरपालिका वडा नं. ७ घोराखोरीका जिवराज चुँदाली, कविता विक, सिता रोका, मुना रोका, भुमिकास्थान नगरपालिका वडा नं. ७ सलेन्धाराका जग बहादुर नेपाली, तुल्सा सारु, पार्वता वि।क।, इश्वरा थापा, ज्ञानकला विष्ट, भगवता घम, कमला रायमाझी, मिना सारु, सुमकला घम र भुमिकास्थान नगरपालिका वडा नं. ७ पाण्डाँडाकी वसन्ता रायमाझी रहेका छन् । ओरालो घुम्टिमा जिपको एक्कासी ब्रेक फेल भई भित्तोमा ठोकीएर जिप वाटोमै दुर्घटना भएको हो ।
दुर्घटना स्थलवाट सम्पूर्ण घाईतेहरुलाई जिल्ला अस्पताल अर्घाखाँची ल्याई उपचार हुँदैछ । घाईतेहरुको अवस्था सामान्य रहेको छ ।
मंसिर ६ गते, २०७४ मा प्रकाशित
