सन्धिखर्कको जोगिमारेमा एमालेका कार्यकर्ता बीच झडप, एक जना घाईते (भिडियो तस्बिर सहित)

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ११ को जोगिमारेमा एमालेका कार्यकर्ता बीच एक आपसमा झडप भएको छ ।

सन्धिखर्क नगरपालिका वार्ड नम्बर ११ को जोगिमारेका नेकपा एमालेका वार्ड कमिटी अध्यक्ष तेज प्रसाद भुसालको समुहले मध्यरातमा कमिटीका सदस्य जोगिमारेका लक्ष्मण आचार्यलाई कुट्पिट गरेका हुन् ।

चुनावको बिषयलाई लिएर एक आपसमा झगडा भएको थियो । झगडाले उग्र रुप लिदा तेज प्रसाद भुसालको ४,५ जनाको समुहले लक्ष्मण समुहलाई कुटपिट गरेका थिए । चुनावमा पैसाको लेनदेनलाई लिएर झगडा गरेको बताइएको छ ।

झडपमा अर्को समुहका लक्ष्मण आचार्य घाइते भएका छन् । उनको शरिरमा चोटपटक लाग्नुका साथै हातमा टोकिदिएका छन् ।  आचार्यलाई सन्धिखर्क नगरपालिका वार्ड नम्बर १२ का वार्ड अध्यक्ष  नारायण खड्काले गाडीमा हालेर उपचारका लागि जिल्ला अस्पताल सन्धिखर्कमा लागेका छन् ।

यस्तै आफ्नै पार्टीका सद्स्य माथि कुट्पिटमा उत्रिएको तेज प्रसाद भुसालको ४,५ जनाको समुह अहिले फरार रहेको छ ।