अर्घाखाँचीका विभिन्न ठाउँमा निर्वाचनको पुर्व सन्ध्यामा बम बिष्फोट, मतदाताद्दारा असुरक्षित महसुस

अर्घातोष, अर्घाखाँची  (अर्घाखाँचीडट्कम) । अर्घाखाँची जिल्लाका विभिन्न ठाउँमा दोस्रो चरणको प्रतिनिधिसभा र प्रदेशसभा सदस्य निर्वाचनको पुर्व सन्ध्यामा बिहीवार राती बम बिष्फोट गराइएका छन् । प्रहरी उक्त क्षेत्रमा परिचालन भईसकेको छ ।  

बिहीवार  साँझ ८ बजेर २८ मिनेट जाँदा एक्कासी बम बिष्फोटको घटना भएपछि स्थानीय त्रसित बनेका छन् |  बिष्फोटको ठुलो आवाज सुनेपछि स्थानीयहरू निकै असुरक्षित महसुस गरेका छन् । 

केहि दिन यता छत्रदेब गाउँपालिका सबै ठाउँहरुमा सुरक्षा व्यवस्ठा मझबुद बनाइएता पनि आज चुनावको पुर्व सन्ध्यामा एक्कासी बम बिष्फोट हो । प्रहरी टोलीलाई गस्तिमै खटाइएको छ, बिष्फोट कहाँ र कसले गरायो भन्ने बिषयमा अनुसन्धान भैईरहेको र केहि मानबिय तथा भौतिक क्षती भए नभएको कतैबाट जनाकारी नआएको भन्दै अर्घातोष प्रहरी चौकीका इन्चार्ज (असई) जित बहादुर घर्तीले अर्घाखाँचीडट्कमलाई जानकारी दिएका छन् ।

यस अगाडि चुनावका बेला आक्रमण हुन सक्ने खतराप्रति संवेदनशीलता अपनाउँदै नेपाल कम्युनिस्ट पार्टीका (विप्लप) दर्जन बढी नेता तथा कार्यकर्तालाई जिल्ला प्रहरी कार्यालय अर्घाखाँचीले नियन्त्रणमा लिएको छ । 

सुरक्षाको लागि जिल्लामा ३ हजार सुरक्षाकर्मी परिचालन गरिएको छ ।  यस्तै सुरक्षा संवेदनशिलता रहेका क्षेत्रमा थप सुरक्षाबल परिचालन गरिएको छ । साथै प्रमुख जिल्ला अधिकारी खिमराज भुसालले जिल्लामा शान्ति सुरक्षाको स्थिति सामान्य रहेको बताउँदै निर्वाचनलाई असर पार्ने गतिविधि गरेर स्थिति गम्भीर बनाउन खोज्ने जो कोहीलाई सुरक्षा कर्मिले गोली ठोक्न पाउने अधिकार कानुनमा उल्लेख रहेको बताउनु भएको छ । 

निर्वाचनलाई भयरहित र शान्तिपूर्ण बनाउन जिल्लाभर म्यादी,जनपथ,सशस्त्र प्रहरी र नेपाली सेना लगायतका पर्याप्त सुरक्षाकर्मिको परिचालन गरिएको भुसालले बताए ।  साथै सुरक्षा चुनौती तपिएको खन्डमा थप सुरक्षा आवश्यक भएमा पन्ध्र मिनटमै सम्बन्धित क्षेत्रमा आवश्यक थप सुरक्षाबल पुग्ने व्यवस्था मिलाइएको उनले जानकारी दिए । 

उता मुख्य निर्वाचन अधिकृतको कार्यालय अर्घाखाँचीले  निर्वाचनको सम्पूर्ण तयारी पूरा भएको जनाएको छ । मुख्य निर्वाचन अधिकृतको कार्यालय अर्घाखाँचीले पूर्णसुरक्षा व्यवस्था मिलाइएको भन्दै निर्धक्क भएर मताधिकार प्रयोग गर्न पनि मतदातालाई अपिल गरेको छ ।

यस्तै, अपांगता, गर्भवती, सुत्केरी, ज्येष्ठ नागरिक, अशक्त वा बिरामी मतदातालाई प्राथमिकता दिइ मतदान गर्न पाउने व्यवस्था गरेको निर्वाचन कार्यालय अर्घाखाँचीले जनाएको छ ।

मुख्य निर्वाचन अधिकृतको कार्यालयले मतदाता परिचयपत्र लिन असमर्थ मतदाताले नागरिकता वा कुनैपनि मान्यताप्राप्त सरकारी परिचयपत्र लिएर मतदान गर्न पाउने व्यवस्था गरेको छ । यस्तै जिल्लाभर  अाज  बिहिबार बिहान ७ बजे देखि अपरान्ह ५ बजे सम्म मतदान हुँदैछ ।

यस्तै अर्घाखाँचीभर मतदातालाई कुनै समस्या परेमा प्रमुख जिल्ला अधिकारी ९८५७००७७७७, प्रहरी नायब उपरीक्षक ९८५७००५५५५,सेना ९८५७०६६४७३,सशस्त्र ९८५१२५९८९४ लाई स्संपर्क गर्न सकिनेछ ।

मुख जिल्ला अधिकारी खिमराज भुसालका अनुसार जिल्लाको सम्पुर्ण स्थानमा शान्ती सुरक्षाको अबस्था चुस्त दुरुस्त भएको र कसैलाई केहि अप्ठ्यारो परेमा १५ मिनेटमा सुरक्षाकर्मिको टोली आइपुग्ने बताएका छन् ।