हरिभक्त आचार्य
बुटवल । अर्घाखाँचीको मालारानी गाउँपालिका वडा नं ३ का अध्यक्ष जीवन चौहान सडक दुर्घटनामा परी गम्भीर घाइते भएका छन् । अर्घाखाँचीबाट बुटवलतर्फ आउँदै गर्दा रुपन्देहीको सैना-मैना नगरपालिकामा पर्ने रानीबगियामा उनी दुर्घटनामा परेका हुन् ।
मोटरसाइकलमा सवार उनलाई दुधबोक्ने गाडीले मंगलबार दिउँसो २:३० बजे ठक्कर दिएको मालारानी गाउँपालिकाका अध्यक्ष बालकृष्ण आचार्यले जानकारी दिए ।
दुर्घटनामा परी घाइते भएका चौहानलाई तत्काल बुटवल अञ्चल अस्पतालमा लगिएको मालारानी ३ का वडा सदस्य जनार्दन खनालले बताए । बुटवलमा उपचार हुन नसकेपछि चौहानलाई भरतपुर मेडिकल कलेजमा भर्ना गरिएको छ । उनको टाउकोमा गम्भीर चोट लागेको खनालले बताए ।
बाबु अचेत
छोरा सडक दुर्घटनामा परेको खबर सुनेर वडा अध्यक्ष चौहानका ७५ वर्षिय बाबु अचेच भएका छन् । अचेत भएका बाबुको बुटवलमा उपचार हुँदैछ । बाबुको मस्तिष्कमा असर गरेको नाति राजेन्द्र चौहानले बताए ।
मंसिर २७ गते, २०७४ मा प्रकाशित
