विनोद गैरे
नुवाकोट च्यूरामाटी अर्घाखाँची । देउराली कृषक सहकारी संस्था लि. भुमिकास्थान नगरपालिका-८ नुवाकोट च्यूरामाटी अर्घाखाँचीको १२औं वार्षिक साधारण सभा सम्पन्न भएको छ ।
साधारण सभाको उद्घाटन गर्दै प्रमुख अतिथि भुमिकास्थान नगरपालिकाका प्रमुख रेशम थापाले सहकारीको माध्यमवाट समाज रुपान्तरीत हुने हुँदा सहकारीका मुल्य मान्यताहरुलाई आत्मसाथ गर्दै व्यवस्थित र मर्यादित रुपमा सहकारी संचालन गर्नु पर्नेमा जोड दिनुभएको थियो ।
कार्यक्रममा कृषि विकास शाखा भुमिकास्थान नगरका बलराम घिमिरे, भैरव बचत तथा ऋण सहकारी संस्थाका अध्यक्ष चन्द्र प्रसाद श्रेष्ठ, दिपशागर यूवा क्लवका अध्यक्ष भिमलाल जैसी स्थानीय समाजसेवी तथा बुद्धिजिवी चेत नारायण गैरे, बलराम पौडेल, गोपाल प्रसाद गैरे, डण्डपाणी गैरे, दल बहादुर खत्री लगायतले सहकारीको विषयमा आ-आफ्ना धारणा व्यक्त गर्नुभएको थियो । संस्थाका सचिव चन्द्रमणि गैरेले वार्षिक प्रगति प्रतिवेदन पेश गर्नुभएको थियो ।
कार्यक्रम संस्थाका अध्यक्ष विनोद गैरेको अध्यक्षता, मायाँ रायमाझीको स्वागत तथा तेज प्रसाद गैरे वावुरामको संचालनमा सम्पन्न भएको थियो ।
पौष १६ गते, २०७४ मा प्रकाशित
