पहिलो प्रकासित मिती: पौष २६, २०७४
शोभाखर पन्थी
सन्धिखर्क , अर्घाखाँची पुस २६ । सन्धिखर्क वडा नं. ८ को कार्यालयको आयोजनामा महिला स्वास्थ्य स्वयं सेविकाका लागि स्वास्थ्य प्रवद्र्धन सम्बन्धी तिन दिने तालिम पुस २६ देखि सुरु भएको छ ।
सन्धिखर्क नगरपालिकाका निमित्त प्रमुख गोविन्द केसीले तालिमको उद्घाटन गरेका छन् । तालिमको उद्घाटन गर्दै केसीले महिला स्वास्थ्य स्वयं सेविकाहरुले स्वास्थ्य क्षेत्रमा निकै ठूलो योगदान पु¥याएको बताउँदै राज्यले उचित ढंगले सम्वोधन गर्नु पर्नेमा जोड दिए । कार्यक्रममा सन्धिखर्क नगरपालिका स्वास्थ्य इकाइ सहसंयोजक धर्म पन्थी, स्वास्थ्य चौकी व्यवस्थापन समितिका उपाध्यक्ष हरि प्रसाद भुसाल, पत्रकार अर्जुन भुसाल लगायतले तालिम सफलताको शुभकामना मन्तव्य राखेका थिए ।
हेल्थपोष्ट इन्चार्ज तथा प्रशिक्षक मुमाराम भुसाल, अयव यादव पाण्डे, अनमी लुमा पराजुलीले कार्यक्रम माथि प्रकाश पारेका थिए ।
कार्यक्रम वडा नं. ८ का अध्यक्ष इश्वरी प्रसाद भुसालको अध्यक्षता, वडा सदस्य नरायण अर्यालको स्वागत मन्तव्य र सदस्य देवी थापा भुसालको सञ्चालनमा सम्पन्न भएको थियो ।
पौष ३० गते, २०७४ मा प्रकाशित
