प्रेम खड्का
जगता, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ६ (साविक नरपानी ) को सालारुख जगतामा अर्घाखाँची ट्याक्सी व्यवसायीको ट्याक्सी हिजो मध्यरात ११:३० बजे दुर्घट्ना भएको छ । दुर्घट्नामा परि २ जना घाइते भएको छन् ।
लु १ ज २७७३ नम्बरको ट्याक्सी दुर्घटनामा परि घाइते हुनेमा जगताका ५२ वर्षकी आमा बसन्ता भाट क्षेत्री र १६ वर्षका छोरा मधु भाट क्षेत्री रहेका छन् । जगताबाट छोरा मधुको खुट्टा फ्याक्चर भएकोले सन्धिखर्क स्थित जिल्ला अस्पताल लैजाने क्रममा दुर्घटना भएको हो ।
छोराको हात समेत भाँचिएको आमाको करङ भाँचिए छ । घाइते दुबैजनालाई उपचारको लागि बुटवल लगिएको छ ।
ट्याक्सी करिव २०० मिटर तल खसेको छ । टयाक्सीका चालक फरार रहेको र खोजीकार्य भईरहेको छ ।
दुर्घटनाको कारण खुल्न सकेको छैन् । जिल्लामा यतिबेला सय भन्दा बढी ट्याक्सी चल्ने गरेका छन् । अर्घाखाँची जिल्लामा पछील्लो समय ट्याक्सी दुर्घट्ना हुनेको संख्या बढेको छ ।
माघ ४ गते, २०७४ मा प्रकाशित
