प्रेम खड्का
सन्धिखर्क, अर्घाखाँची (अर्घाखाँचीडट्कम) । माघ १० गते देखि निरन्तर रुपमा अगाडि बढेको अर्घाखाँची महोत्सवको दिन प्रतिदिन रौनक बढेको छ । दर्शकहरुको संख्या तेब्बर वृद्धि भएको छ ।
उद्योग बाणिज्य संघ अर्घाखाँचीका अनुसार आईतबार पनि करिव १० हजार भन्दा दर्शकहरुले अबलोकन गरेका थिए । यस्तै २ करोड बराबरको कारोबार भएको बताइएको छ ।
उता अबलोकनको लागि मेलामा उपस्थित भएका दर्शकलाई सोनिका रोका र सरस्वती लामा लगायतका कलाकारले सांगेतिक प्रस्तुती दिएका थिए । उनिहरुको प्रस्तुतीलाई दर्शकले मन पराएका थिए ।
यस्तै मेलामा जिल्लामा सन्चालित केही साना तथा मझौला उधोगहरुले आफ्ना उत्पादित बस्तु तथा सेवाहरुलाई सस्तो र सुलभ दरमा बिक्री बितरण गरिरहेका छन । त्यसैगरी ॐ हस्पिटलले मेलामा आउने ब्यक्तीहरुको स्वास्थ्यलाई ध्यानमा राखेर आफ्नो निशुल्क स्वास्थ्य सिबिर राखेको छ । जसमा बि पी जाच्ने देखी निशुल्क रगत ब्लड ग्रुप छुटाउने र स्वास्थ्य समन्धित निशुल्क स्वास्थ्य परामर्श सेवा दिएको छ।
माघ १४ गते, २०७४ मा प्रकाशित
