अर्घाखाँचीकी मृगौला पीडित गायिका जलजला परियारको उपचारको लागि आर्थिक अभाव

काठमाडौं (अर्घाखाँचीडट्कम) । अर्घाखाँची जिल्लाको भूमिकास्थान नगरपालिका – ३ ढाकावाङ घर भई हाल सन्धिखर्कमा बसोबास गर्दै आएकी गायिका  जलजला परियार दुबै मृगौलाले काम गर्न छाडेपछि गायिका जलजला परियार अस्पताल भर्ना भएकी छन् ।

दुबै मिर्गौलाले काम गर्न छोडेर अहिले काठमाडौं स्थित शिक्षण अस्पताल महाराजगन्जमा उपचार गरिरहेकी जलजलाको आर्थिक अवस्था अत्यान्तै कमजोर भएकोले थप उपचारका लागि उनको परिवार संकटमा परेको छ । 

बाबु नारायण परियार (दर्जी) र आमा जुना परियार( खाचिकोटको डिहिडाँडा माईत) कि २१ वर्षिया जेठी छोरी तथा नेपाली तारा सिजन ३ कि अब्बल प्रतिस्पर्धी तथा पर्श्व गायिका जलजलालाई बचाउन देश विदेशबाट एवम नेपालबाट कलाकारहरु आर्थिक संकलन गर्न जुटे पनि डायलासिस र सम्भावित मृगौला प्रत्यारोपणको लागि ठुलो रकम अभाव भएको छ । 

उता जलजला परियार बचाउ अभियान समेत खडा गरी आर्थिक संकलन गरिएको छ । आर्थिक समस्यासँगै मृत्युसँग सँघर्ष गरेकी जलजलाकी आमा बुबाका आँशु थामिएका छैनन् । 

दुई छोरा छोरी मध्ये जेठी छोरी जलजलाले भारतको कोलकतामा शास्त्रिय संगित पढ्दै छिन् । यस्तै उनका भाईले बिबिएस तेस्रो वर्षमा पढदै छन् । 

गायिका जलजलाले सांगेतिक दौरानमा चर्चामा रहेको बाटोमुनीको फूल-२ को गीत, ढुंगाको मन हुनेलाई, म त रोएँ रोएँ जस्ता दर्जनभन्दा बढी गीत गाइसकेकी छन् । यस्तै उनले नेपाली तारा सिजन-३ को छैटौं स्थानसम्म पुगेकी थिईन् ।