अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर -९ नौलापानी स्थित बागीखोलाको रानीरहमा एक महिला मृत फेला परेकी छन् ।
सन्धिखर्क – ९ फलेपतका गुन बहादुर रायमाझीकी ३५ वर्षिया श्रीमती कमला रायमाझी नौलापानी बागीखोला स्थित बागीखोलाको रानीरह (पानी गहिरो रहमा) मृत फेला परेकी हुन् ।
परिवारका अनुसार मंगलवार बिहान ४ बजे शौचालय जान भनेर हिडेकी कमला बिहान ८ बजे रानीरहमा डुबेको अवस्थामा स्थानियबासीले भेटाएका थिए । कमलाले पारिवारिक-घर व्यबहारको बारेमा चिन्ता लिने गरेको र पछिल्लो समय डिप्रेशन औषधि खाने गरेकी थिईन् ।
कमलाका श्रीमान रोजगारीका लागि भारतमा रहेका छन् । भने उनका १३ वर्षिया छोरी अमृता रायमाझी र १० बर्षका एक छोरा अरुण रायमाझी रहेका छन् ।
प्रहरीले आत्महत्या गरेको हुन सक्ने आशका गरेको छ । घटनास्थलबाट मुचुल्का उठाई शब पोस्टमार्टमका लागि जिल्ला अस्पताल अर्घाखाँचीमा लगेको थियो । प्रहरीले थप अनुसन्धान गरिरहेको बताएको छ ।
माघ २३ गते, २०७४ मा प्रकाशित
