सिरियाले गोली हानेर शनिबार एउटा इजरेली लडाकू विमान खसालिदिएको जनाइएको छ ।
इजरेली सेनाकाअनुसार उत्तरी इजरेलमा दुईजना पाइलट भने विमानबाट हामफालेर प्यारासुटको मद्दतले अवतरण गर्न सफल भएका छन् । उनीहरुलाई अस्पताल लगिएको छ ।
एउटा इरानी ‘ड्रोन’ आफ्नो भूमिमा प्रहार गरिएपछि ‘एफ–१६’ नामक लडाकू विमानले आक्रमण गरिरहेको इजरेलले जनाएको छ । इजरेलले उक्त ड्रोनलाई रोकिदिएको थियो ।
इजरेलले आक्रमण गरेपछि सिरियाले गोली हानेको त्यहाँको सरकारी सन्चारमाध्यमले जनाएको छ । (एजेन्सी)
माघ २७ गते, २०७४ मा प्रकाशित
